DEN BOSCH, Hulanda- Diamars anochi polisnan a aresta consehero Sjef van Creij di Rosmalen, pa su participacion den e filtracion di informacionnan confidencial tocante e nominacion di e alcalde nobo di Den Bosch. Señora di Van Creij a confirma su detencion.
Van Creij di 50 aña ta wordo sospecha di su participacion di informacion corecto ariba e nominacion di e alcalde nobo den e capital di Brabant. Tabata tin un consternacion grandi rond di e nominacion di e Jack Mikkers, kende recientemente a wordo nombra como sucesor di Ton Rombouts, despues cu e corant Brabants Dagblad a publica detayenan como tambe nomber di esunnan cu a solicita pa e puesto.
Husticia a dicidi di investiga e caso aki mas aleu.Comisonado di rey Willem Alexander na Noord- Brabant, a haci e solicitud.
Como lider di fraccion di e partido local Gewoon Ge-dreven, Van Creij tabata form parti di un comision di confianza cu a selecciona e alcalde nobo. Ultimadamente e miembronan a kies pa Jack Mikkers (VVD) como sucesor di Ton Rombouts (CDA). Durante e ultimo añanan Mikkers tabata alcalde di Veldhoven.
Segun e corant Brabants Dagblad Mikkers tabata e di dos choice. E corant ta basa su mes ariba fuentenan den e comision cu na principio lo a propone Jan Hamming (PvdA), kende actualmente ta alcalde na Heusden. Esaki noa sigui ya cu el a solicita, exitosamente pa e mesun puesto na Zaanstad.
Actualmente e e miembro di e comision ta deteni pa interrogacion y por tin contacto solamente cu su abogado.
Fuente: http://www.telegraaf.nl