Dimas a duna un termino legal di 12 siman pa ley, y e prome dosnan di e proyecto Dreamers a haya nan vergunning dos siman pasa. Sra. Kathy Ruiz- Paskel ta amplia.
Tur esaki ta depende di kico e file tin den dje y con dificil of facil e ta. Lo bay encontra casonan sigur, unda cu DIMAS lo mester bay haci overleg cu otro instancianan manera Voogdijraad, polis of Ministerio Publico. Kisas e casonan asina lo tuma full e 12 siman of hasta mas. Pero den caso cu e file, tin tur pruebanan den dje, e lo por wordo atendi hopi mas lihe. Por lo general Dimas lo tuma un termino di 12 siman pa contesta.
Por ultimo Sra. Ruiz Paskel a splica cu cu cualkier persona cu tin algun pregunta, por pasa na oficina di Dimas, of por subi ariba website di Dimas, y fuera di esey tin dos help desk, cu a wordo institui specialmente pa e proyecto Dreamers. Esun cu mester di asistencia cu yenamento di formulario, Dimas lo dunanan asistencia. Esaki ta di dialuna pa diabierna, di 8 or y 30 pa 12 or y di 1 or y 30 pa 4 or 30.