Telefon pa Hubentud ya caba ta cuminsa cu nan actividadnan den 2018. Sr. Sherman Milliard ta splica.
Tur aña Telefon pa Hubentud ta haya e yamadanan, mas den temporada di Pasco, Aña Nobo y Carnaval. Nan ta haya preguntanan di alcohol, peer pressure ta algo cu tambe ta bin dilanti. E aña aki ta drei un tiki, door di e multi media cu ta promove e uzo di alcohol, kisas prome pero tambe despues. Ta wak hendenan cu ta burachi, gosando. Hobennan ta pensa cu mester tin alcohol pa pasa bon den carnaval.
Sr. Milliard a sigui bisa cu Telefon pa Hubentud ta pone enfasis riba multimedia, door di e charla cu Telefon pa Hubentud ta bin cun’e. Cada aña charlanan ta bira mas adecua y ta bin mas cerca di e hobennan.
E aplicacion di Telefon pa Hubentud ta contento cu e atencion cu nan a haya tocante di esaki, no solamente na Aruba pero rond mundo. Nan ta haci uzo di esaki pa duna mas informacion na e hobennan, door di medio di yamada y whatsapp line. Den futuro nan ta wak esaki como un medio pa haci miho uzo di dje, cu por amplia esaki pa yega na e hobennan cu ta pasando den peer pressure, door di e grupo cu ta bisabo pa uza alcohol of algo negativo. Den futuro ora di amplia nan aplicacion, nan lo haci bon uzo di esaki pa yega na mas tanto hoben posibel, segun Sr. Sherman Milliard di Telefon pa Hubentud.