Champ of the Champs e prestigioso torneo di softball competitivo internacional tabata tin un apertura fenomenal fin di siman. E aña aki Champ of the Champs a wordo dedica na baluarte Bibiano Croes. Durante ceremonia oficial despues di a scucha e tononan di nos himno di Aruba Dushi Tera, presidente di Aruba Softball Bond Sr. Endy Croes a hiba un discurso formidabel gradiciendo tur ekipo internacional, atletanan pero tambe sponsornan manera Heineken y Banco di Caribe pa nan sosten na e proyecto aki. MC Poy Flanegin a continua lesando CV di Bibiano Croes kende a hunga y maneha weganan di softball desde aña 1971 aportando mas di 30 aña na e deporte di softball cu hopi exito. Despues di a entrega Bibiano Croes su plakkaat como recuerdo Sr Carlos Araujo di Republica Dominicana a pidi MC Poy palabra y na un manera sorpresivo a haci entrega di un cuadra masha masha bunita na Endy Croes den nomber di Republica Dominicana como muestra di aprecio pa trabounan duro haci na deporte di softball. Un sorpresa cu a uena cancha di Dragon Hitters cu bastante emocion. Despues Bibiano Croes a lansa e prome bala unda Carlos Araujo a fungi como bateador simbolicamente dunando e apertura oficial di Champ of the Champs 2017. Un torneo cu e aña aki a cumpli 11 aña di existencia cual a traha su nomber internacional y local di un nivel hopi competitivo cu su ambiente unico. Pabien un biaha mas na baluarte Bibiano Croes y sigur un palabra di gratitud na Sr Carlos Araujo kende den nomber di Republica Dominicana a bin Aruba y a sorpresa Endy Croes cu un bunita reconocemento. Champ of the Champs unico den su estilo. Adhunto por aprecia diferente potret di momentonan bunita.