Aruba Ports Authority ta un compania cu ta contribui den comunidad. Gerencia, coleganan, famia y grupo di scout a bini hunto pa asina duna un man na e bunita proyecto di Aruba Doet na Centro di Bario Tanki Leendert.
No ta prome biaha cu APA ta participa na e bunita proyecto aki, pero ya caba a yega di duna di nan parti pa otro proyectonan añanan anterior. APA ta kere cu e proyecto di Aruba Doet ta un proyecto positivo cu ta uni hopi hende y como compania ta sinti cu di e forma aki ta yuda duna bek na comunidad.