Ankara a emiti orden di detencion contra di e di dos autoridad di Consul Mericano na Turkia

0

ANKARA, Turkia- Ankara a emiti un orden di detencion pa e di dos autoridad di e Consul Mericano na Turkia, segun e canal di televsion NTV. Casa y yiu homber di e empleado diplomatico tambe ta wordo investiga.

E noticia a bira conoci despues cu e autoridadnan Turco a detene diaranson pasa na Metin Topuz, un ciudadando Turco cu ta traha den e Consulado General di Washington na Istambul. Topuz ta wordo acusa di ta mantene lazonan cu e clero Islamista Fethullah Gulen, biba na Merca y cu Ankara ta acusa di ta tras di e intento di golpi di estado na Juli 2016. Un tribunal Turco a dictamina cu Topuz a permanece bou di custodia mientras su supuesto vinculonan cu Gulen a wordo investiga.

E detencion di otro empleado di e representacion Mericano a pusha Washington a suspende e concesión di visa pa ciudadonan Turco. Posteriormente, e embahada di Turkia na Merca, a anuncia cu tur e servicionan di visa pa ciudadanonan Mericano ta keda suspendi den tur e misionnan diplomatico Turco den e teritorio di e pais aki.

E relacionnan bilateral entre Merca y Turkia ta wordo macha door di e apoyo Mericano na e Kurdonan, como tambe e negativa di Washington di extradita na Turkia na lider politico y religioso Fethullah Gülen, acusa di organisa e golpi di estado fracasa na 2016.

Fuente: https://actualidad.rt.com