CIUDAD DE MEXICO, Mexico- E resultadonan oficial di conteo rapido a duna e candidato di MORENA, e triunfo di 53% di e votonan. Su dos contricantenan principal, Ricardo Anaya y José Antonio Meade, a reconoce e victoria di Lopez Obrador.
Andres Manuel Lopez Obrador, candidato di un coalicion encabesa pa e Movimiento Regeneración Nacional (Morena), a obtene mas di 50% di e votonan diadomingo, según calculonan di e Instituto Nacional Electoral (INE) y asina tambe ta bira e prome presidente iskierdista di Mexico.
Segun un muestra di mas di 7 mil stembiljet elabora pa e organismo laboral, Lopez Obrador lo obtene entre 53 y 53.8% di votonan, segun president di INE, Lorenzo Cordova a anuncia.
E aspirante di e partido conservador Partido Acción Nacional (PAN), Ricardo Anaya, a obtene entre el 22,1 y el 22,8 % di e votonan.
Na di tres luga a keda e candidato di e partido gobernante Partido Revolucionario Institucional (PRI), José Antonio Meade, cu a logra entre 15,7 y el 16,3 %.
Na ultimo luga a keda e aspirante independiente Jaime Rodriquez Calderon, el Bronco, cu entre 5,3 y 5,5 % di e votonan.
E indice di participacion na e eleccionnan aki tabata di entre 62,9 y 63,8 %.
E prome pa reconoce su derota tabata Meade, cu desde su centro di campaña a manda un mensahe di felicitacion pa Lopez Obrador, apenas e resultadonan a bira conoci. El a wordo sigui pa Anaya, cu tambe a admiti su derota.
Diadomingo Mexico a celebra e eleccionnan mas grandi di su historia cu mas di 18 mil cargo den wega, entrenan presidente, legisladornan federal y nuebe gobernador.
Esaki ta prome biaha cu Mexico ta eligi un candidato iskierdista.
Fuente: https://edition.cnn.com