Diamars mainta a tuma luga den Corte e caso PDR bou liderasgo di Sr. Alfonso Tromp, Kamer van Koophandel y Sr. mr. Andin Bikker, como lider di partido PDR.
Sr. mr. Andin Bikker, como lider di fraccion di Partido Democracia Real (PDR) den Staten a wordo representa pa Sr. mr. C. Coffie, kende a enfatiza cu e directiva nobo di Partido Democracia Real mester wordo declara no admisibel.
Mr. Coffie den su pleidooi a mustra hues cu, segun statutonan di partido PDR ta directiva ta dicidi ken ta bira lid of no. Un reunion di partido, no tin e mesun peso cu un Algemene Leden Vergadering. Es decir, decisionnan tuma durante un reunion general ta esunnan cu tin valides. Partijraad ta un reunion informal, segun mr. Coffie. Segun mr. Coffie, Sr. Tromp no por haci distincion entre miembronan. Personanan cu a aparece ariba lista di PDR durante e ultimo eleccion, esey no kiermen cu nan ta miembro cu derecho di voto.
COUP
Abogado defensor di Partido Democracia Real, Sr. mr. C. Coffie, refutando e alegacion di e contrapartido, Sr. Alonso Tromp, unda cu esaki ta basa ariba e hecho cu pasobra un persona a demostra publicamente cu e ta sostene un partido, esey no kiermen cu automaticamente e persona ey no ta forma parti mas di e otro partido. Directiva di
Sr. mr. Andin Bikker mes a bisa hues cu e prome contactonan cu Sr. Otmar Oduber, di e Forsa Nobo a wordo haci door di e propio Sr. Alonso Tromp. E prome reunion entre Sr. mr. Andin Bikker, Sr. Otmar Oduber y Sr. Alonso Tromp a wordo teni na cas di e propio Sr. Tromp. E motibo pakico cu Sr. Tromp no a sigui cu e Forsa Nobo, ta pa e simpel hecho cu no por sigura un number ariba e lista di Forsa Nobo.
Remarcabel, segun defensa di Sr. mr. Bikker ta, cu e prome reunion a tuma luga na December. Na December ainda partido POR no tabata existi. Sr. mr. Bikker enberdad ta co- fundador y secretaris di e partido. Pero pa e fecha ey, ainda e no tabata existi como partido. El a wordo funda como un Gemeenschappelijk Protocol y no como un Partido Politico.
Articulo 9 di Gemeenschappelijk Protocol, Partido POR ta existi desde April, na momento cu el a wordo inscribi den e Conseho Electoral como partido politico. Pa es motibo ey, pa dia 18 di Januari, fecha ariba cual Sr. Alonso Tromp a yama e reunion, POR ainda no tabata existi.
Tambe a bin dilanti, cu durante e reunion yama pa Sr. Tromp, votacion a wordo haci door di NO miembronan. Esaki ta mustra un biaha mas, e mal intencion di parti di Sr. Tromp. Sr. mr. Bikker a bisa den Corte, cu pakico mester a warda su persona bay Hulanda, pa asina yama e reunion? E tambe, ta forma parti di directiva di PDR.
Hues a puntra mr. Coffie, ken ta dicidi ken ta bira miembro di Partido Democracia Real pa cual mr. Coffie a contesta cu desde 2009 no a tene un Algemene Leden Vergadering. Contribucion ta 25 florin, pero basicamente ta Sr. mr. Bikker ta carga full e peso financiero di e partido.
Por ultimo Sr. mr. Andin Bikker a bisa hues, cu en bista cu partido Democracia Real (PDR) ainda debe su persona 70 mil florin, nan mag di bay eleccion bou nomber di Partido Democracia Real, ora cu e debe aki wordo paga full. Tambe Sr. mr. Andin Bikker a bisa hues cu ley di electorado pa prescribi cu dia 22 di Juni nan mag lanta nan propio partido. Sr. Tromp a yega di lanta su mesun partido y e sa bon bon con e ley aki ta hinca den otro.
Sr. mr. Andin Bikker a bisa hues cu ta su persona a lanta Partido Democracia Real y ta el a carga e partido tur e temponan aki.