Lider di fraccion di PDR, Andin Bikker, a bay Gobernador di Aruba, pa asina mustra cu Gobierno no ta transparente pa loket a e documentonan di e ley di Citgo.
E leynan a yega Parlamento pa loke ta aprobacion pa por bay over na e reapertura di e refineria. Sinembargo e ley ta referi na diferente documento cu Raad van Advies cu si a haya sin ningun restriccion. Pero oposicion mester bay sinta den biblioteca bao di supervision di coordinadornan di e minister pa por wak e documentonan aki. Den un senioren convent a pidi pa haya e documentonan sin restriccion pa por bay door di nan. A haya contesta for di minister cu tin diferente informacion confindencial den e documentonan y no por laga nan bay y ta solamente ter inzage por bay lesanan bao di supervision di coordinador.
Esaki ta inaceptabel segun Bikker. Como abogado a bay sinta eyden y a wak cu tin 7 masteragreement cu Citgo, seis di nan ningun hende no por bisa cu tin algo confidencial. Segun e parlamentario ta cosnan cu basicamente e partinan ey, nan no mester comparti cu Parlamento. Den un di nan por a wak cu por ta eyden por ta un parti cu lo tin aspectonan confidencial den dje. E parlamentario ta reta Gobierno pa bisa cu ta algo otro. Esun di Valero tin acuerdonan estilo Mericano. Tin hopi recitels y tambe partinan cu ta bisa kico ta bay tuma luga, kico ta compronde bao di un oilterminal etc. Tin hopi inleiding y definicion cu no tin nada di haber cu confidencialidad. Segun Bikker, pakico nan ta nenga Parlamento y duna e agreementnan aki. Den un di nan tin un clausula cu ora cu pa ley y pa constitucion mester duna informacion, nan no mester worry cu nan ta bay haya un claim como pais Aruba, pasobra ta normal cu bao di nos constitucion mester duna informacion na Parlamento y si ta necesario cu por bisa cada fraccion cu nan mester firma un acuerdo di confidencialidad, segun Bikker.
A pidi un audiencia cu Gobernador pa por splik’e e preocupacionnan y tambe e naturalesa di e documentonan cu no tin nada confidencial eynan y pa intermedia pa haya e partinan di e documentonan cu no ta confidencial pa por studianan, mirando cu tempo ta preta. Apenas dialuna merdia lo tin un reunion publico y Parlamento mester prepara nan mes. Ta subraya cu Raad van Advies ta bisa cu tin cierto partinan cu tin den e acuerdonan aki cu nan no por cuantifica cuanto ta e garantianan cu Gobierno a duna. Tur e partinan aki, un di nan a wak a mira un pagina y mey di garantia di Gobierno, di parti di Gobierno di Aruba y como parlamentario, ta e partinan ey specificamente mester tira un bista riba nan y ta lamentabel cu no por haya un copia pa por studia nan. Esaki ta stroba cu e trabao y mirando e tempo y e presion cu tin riba nan, e factor cu nan ta stroba ta cuantifica su mes, segun Bikker.