AMSTERDAM, Hulanda – Den stadhuis di Amsterdam diabierna a recorda e asesinatonan di December. Famia y interesadonan, 35 aña despues ta para keto riba e hecho riba e asesinato di diescinco habitante prominente di Surinam.
Prome cu e conmemoracion tabata tin un caminata cu fakkel direccion e plakaat di reconocimento na e misa Aaron y Moses riba e Waterlooplein. Eynan nan a tene un minuut di silencio pa tur e victimanan di e regimen militar na Surinam den añanan ochenta.
Durante e ceremina tabata tin hopi atencion pa e lucha di decadanan caba pa husticia. “Boso mester ta cansa despues di 35 aña, desde cu e Fort Zeelanda tabata scenario di e hechonan macabronan aki”, segun e consejal Arjan Vliegenthart a bisa na e famianan di e gemeente. El a describi nan yamada pa husticia di e culpabelnan como “un meta na final di un marathon cu cada biaha ta wordo hala”.
E presidente actual di Surinam, Desi Bouterse, ta e sospechoso principal den e caso hudicial di e asesinato di December. Na 1982 lo el a duna ordo pa tira 15 supuesto oponentenan politico, entrenan abogado, periodista y un lider sindical. Na Juni, el a scucha con a pidi 20 aña di castigo pe.