Diasabra anochi ariba waf di Barcadera a surgi un caso masha straño ora cu algun persona Venezolano di trempan a constata cu nan amigo ta keto. E no tabata move mes y no tabata reacciona ora nan a yame. Nan tabata man na cabes debi cu segun nan version un spirito malo a drenta curpa di nan amigo y nan ta buscando un pastoor pa saca e spirito for di su curpa.
Ambulance a keda solicita pasobra e homber tabatin algun ora no ta move mes ni reacciona y su halamento di rosea tabata basta abou. Na yegada di ambulance e personanan no tabata kier pa personal di ambulance ni controla su sucu debi cu nan tin miedo pa dune hangua y e homber muri of algo otro pase. Paramedico a haci te unda cu nan tabata por y bandona e sitio. E personanan tabata pidi pa bandona tereno di waf pa asina busca un pastoor pa yuda nan amigo pa saca e spirito.