Senadornan Chuck Grassley y Dick Durbin, ambos partidario di un reforma di e visa aki, ta pensa di re-introduci nan propuesta pa modernisa e programa aki di biaha. E propuesta aki a wordo introduci pa prome biaha na 2007.
Abogadonan tin ta bin ta debati e propuesta pa cambia e programa aki, cual ta masha popular pa añanan largo. E ta den un demanda halto, cu tres biaha mas peticion durante 2016 cu e limite anual di 85 mil.
Actualmente, e visa ta wordo asigna pa un sistema di loteria. Pero e amienda lo elimina e sistema di loteria y duna e tarea na U.S. Citizenship and Immigration Services pa crea un sistema preferencial, pa asina duna prioridad na studiantenan stranhero cu a studia na Merca. Tambe a lo duna oportunidad na titularnan di un titulo, esunnan cu ta wordo paga un salario halto y tambe esunnan cu cierto habilidadnan.
E H-1B visa ta wordo usa pa asina trahadonan stranhero por yena e discrepancia den e forsa laboral Mericano. Sinembargo, criticonan ta di opinion cu companianan lo haci abuso di e sistema pa asina contrata trahadonan stranhero y paganan menos di loke lo a pasa un trahado Mericano.
Manera tur otro amienda, Grassley y Durbin ta bisa cu esun di nan lo yuda tanto e trahado Mericano como tambe caba cu e explotacion di trahadonan stranhero.