Recientemente e delegacion di Aruba den e deporte di Paso Fino a biaha pa Florida unda nan a compete den e un competencia internacional renombra di cabay esta e Pre-Spectrum International. Mester bisa cu e participacion internacional tabata grandi y un bes mas e delegacion di Aruba a sa na sobresali y demostra mundo henter cu nos ta un di e mihonan den e continente aki. Mester cu tur e dianan di competencia Aruba a demostra su clase unico y a logra varios premio cu Zoey Arends, Elisabeth Johnson, Melanie Wever y Natalia Mouawad. Nos amazonanan a logra triunfa den e categorianan di Pleasure, Performance, International Equitation, Performance 3 year old Fillies, Performance Fillies & Mares, Pleasure Jr. Youth, Classic Fino Stallions, International Equitation 7-24 aña, Classic Fino Jr. Youth y Pleasure Fino. Remarcabel ta cu nos amazonanan a competi den algun categoria cu nunca nan a competi den dje y asina mes a sa na improvisa y adapta na e reglanan y tog cay den premiacion. Esaki ta muestra cu nos amazonanan tin e habilidad y maneho di e cabaynan nobo y cumpli cu tur e rekistonan poni pa nan. Pa loke ta e prome luganan den e diferente categorianan mester bisa cu Aruba a logra en total 10 prome luga cu Melanie Wever cu a logra 5 prome luga, sigui pa Zoey Arends y Elisabeth Johnson cu a logra 2 prome luga cada uno y Natalia Mouawad a logra conkista 1 prome luga. Es mas hunto e cuater amazonanan a logra gana 20 premio mas cual sigur ta un prestacion di kita sombre.
Lotto ta masha orguyoso di nos amazonanan di Aruba cu un bes mas a sa na saca cara di nos dushi isla den un competencia di cabay den exterior. Esaki sigur no tabata posibel sin e bon
den e deporte aki.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.