JALISCO, Mexico- Un mucha homber di 10 aña a ataca su juffrouw cu’n cuchiu, den klas di su scol basico “José María Morelos”, situa na Tonala, Jalisco.
Segun medionan local y reportenan di polis municipal, e agresion a tuma luga despues di cu e juffrouw di 41 aña, lo a nenga e mucha permiso pa bay baño. Sin embargo, otro version ta sigura cu e menor a agredi su juffrouw pa cumpli cu’n reto cu el a haya riba Facebook.
Segun autoridadnan, e juffrouw tabata sinta na su lessenaar ora cu e alumno a acerk’e y a dal’e den su bariga. Despues ela saca e cuchiu y a agredi e juffrouw.
E juffrouw a pidi su studiantenan pa yama un otro maestro, cu a logra controla e menor y pidi auxilio. E juffrouw a wordo transporta pa Cruz Verde di Tonala, unda el a ricibi atencion pa heridanan leve den un brasa robes.
E no kier a denuncia e menor, pero su mayornan mester a firma un carta na Ministerio Publico di e Area di Menor cu comete un delito di Ministerio Publico Central.
Despues di e incidente, autoridadnan escolar a afirma cu nan lo sigui investiga e caso y lo duna atencion psicologico na e menor pa determina e motibo di su conducta violento.
E secretario di Educacion di Jalisco, Alfonso Gómez Godínez, a indica cu e menor a bin bek scol desde di e sucedido di dia 21 di Februari. E aña aki so tabata tin seis caso di acoso y violencia escolar.
Fuente: https://www.infobae.com