WILLEMSTAD- Diadomingo di manera extraoficial e noticia riba un sucedido cu’n alto funcionario policial lo a wordo gara den un situacion indecente den e auto asigna na dje. E hecho a tuma luga dia 7 di april. Relaciona cu e caso aki, Management Team di Korps Politie Curacao (KPC) a informa cu tin un investigacion tumando luga y cu e persona en cuestion a wordo suspendi di su funcionnan mientras cu e investigacion ta tuma luga.
E informacion (extra oficial) cu ta wordo maneha te cu awso, ta indicac cu e funcionario en cuestion, lo ta e vocero oficial di e institucion. E hecho a tuma luga na momento cu e personal di Guardacosta tabata realisando un patruyahe y na dado momento a tuma nota di e presencia di un auto color preto, para di manera sospecho den un zona aparta. Ora cu nan a yega cerca, e efectivonan di Guardacosta a sorprende e funcionario.
Ora cu e mando policial a ricibi e rapport di e sucedido, a bay over na kita e arma reglamentario di e funcionario, su telefon y e vehiculo asigna na dje. Ta wordo bisa cu esaki no ta prome biaha cu e funcionario ta viola reglanan di conducta di Cuerpo Policial. Den pasado caba, Sr. Nelson Navarro, a releva e funcionario aki di su cargo como vocero di Cuerpo Policial. Posteriormente, e actual Minister Girigorie a bolbe dun’e un chens pa asumi dicho funcion.