WASHINGTON, D.C., Merca- E secretario general di Organisacion di Estadonan Americano (OEA), Luis Almagro diahuebs a exigi un bishita na e lider opositor Venezolano Leopoldo Lopez, cu tin un luna incomunica y cu segun denuncia door di e famia, lo a wordo traslada durante e ultimo oranan pa un hospital militar relaciona cu problemanan di salud. editado y es falso.
“Mi ta exigi pa por bishita Leopoldo Lopez, cual ta ampara den e compromisonan cu Venezuela tin vigente cu e Sistema Interamericano di Derechonan Humano”, segun e hefe di e bloke regional ariba su cuenta oficial di Twitter.
Den marduga, e periodista Venezolano Leopoldo Castillo a informa cu Leopoldo Lopez a wordo translada for di e prizon militar di Ramo Verde unda e ta cumpliendo cu un condena di casi 14 aña pa incita e violencia den e revolucion opositor di 2014, pa un hospital Militar sin signonan vital. E regimen ta maneha e hipotesis di intoxicacion. Casa di Lopez, Lilian Tintori a bay na e Hospital Militar pa por wak su casa, pero eynan el a wordo informa cu Lopez tabata na Ramo Verde y for di e ora ey e ta sperando noticia na portanan di e prizon. Vice presidente di PSUV, Diosdado Cabello a difundi un video graba cu un celular como prueba di bida.
Tintori, sin embargo a sigura cu e video ta totalmente falso y a exigi wak su casa personalmente. “Cabello a duna un informacion manipula y malintenciona. Cu e preocupacion di e famia y sensibilidad di un un pais completo bo no ta haci wega”, el a indica.
Fuente: Univision