Alina Mansur, nos Miss Aruba a sali pa Las Vegas

0

Diasabra mainta pa 8 or, Miss Aruba, Alina Mansur a sali rumbo pa Las Vegas pa asina participa na e concurso di Miss Universe na Las Vegas.

Alina a prepara su mes na Aruba riba diferente area cu expertonan den nan ramo. Su preparacion a encera entre otro les di oratoria, pasarela, makiyahe, peinado, fotografia, stage performance y mucho mas. Tur esaki confiando den e experticio di nos hendenan local.

Como parti di su trabounan humanitario, Alina a contribui na varios fundacion, manera Fundacion Crijojo Trappers, door di yuda recauda fondo y practica abogacia pa e causa di e fundacion, cu ta e cuido, prevencion y sterilisacion di nos cachonan riba caya.
Ademas Miss Aruba, Alina- a aporta na trabou comunitario cu Rode Kruis specialmenre durante e temporada di desaster natural den caribe. Un otro organisacion na cual e la asisti tambe, ta Fundacion pa nos Comunidad.

 

Pa recauda fondo pa e fundacion y pa yuda cu e gastonan, Alina a organisa un Premium Cocktail Event cu Romar pa cual tambe a yuda e Fundacion Criollo Trappers. E boutique Dolce & Gabbana tambe a colabora cu Alina pa e prome fundraising.

Como Miss Aruba tambe el a haci diferente acto di presencia na diferente evento y of actividad, specialmente cu tiin di haber cu un causa of apoyo na nos hobennan y na unda cu semper el a wordo ricibi cordialmente.

Tambe , Alina a enhance su preparacion internacionalmente caminda e tabata desea di agrega na e gran conocemento cu ya e la ricibi na Aruba.
Na Colombia el a trece den practica tur locual el a siña na Aruba y añadi preparacion cu nivel internacional cerca un profesionalnan cu gran trayectorio y ta reconoci pa preparacion di diferente candidatanan cu a participa den concursonan internacional y a logra triunfa den lo maximo e ultimo añanan.

Na Colombia tambe Alina a ricibi entre otro les di coreografía, actuacion,facial expression, y prensa internacional. Trainingnan di entrevista dilanti camera, Q&A y mucho mas. Pues un preparacion completo, exhausto, di orananan largo tur dia, pero hopi satisfactorio y cu hopi disciplina.

Na Colombia tambe, nos digno representante, Alina, a forma parti di e delegacion di ATIA Aruba, hunto cu president di ATIA Sr van Trigt y Gobernadores di Perreria, unda a firma acuerdo oficial entre ambos paisnan..

Cu tur e conocemento aki, nos Miss Aruba, Srta. Alina Mansur a bay un stap mas leu, y a bishita e organisacion di Miss Universe headquarters na New York City, hunto cu e organisacion di Star Promotion (organisacion cual tin e franquisia pa manda un representante oficial pa Miss Universe) .

Na New York, Alina a ser invita pa cera conoci cu e actual Miss Universe personalmente, un experencia inolvidabel y di orguyo pa e delegacion di Aruba. Apart di esaki e organisacion di Star Promotion a percura pa un laso estrecho cu e organisacion nobo di Miss Universe pa cu nos actual Miss Aruba y mas cu claro pa tur otro candidata den futuro.

Bou invitacion di Miss Universe Organisation, Alina a bishita tambe e fundacion ” Smile Train ” cu ta un organisacion caricativo cu ta traha conhuntamente cu e certamen.
Alina a wordo invita pa bira embahadora di e causa di yuda opera muchanan menos afortuna cu cleft lip y cleft palate conditon. Alina ta orguyoso di por contribui y a acepta e honor cu mil amor.

Como un di nan embahadora , awor Miss Aruba ta forma parti y ta ser invita na diferente evento di importancia pa e organisacion di Smile Train na New York.. Esaki ta un logro grandi di nos como pais Aruba na New York. E contacto cu organisacion Miss Universe Aruba y Smile Train ta permanece uno estrecho y direct.

Ademas a scoge pa bishita e diseñadora Sherri Hill ken ta e sponsor oficial di trahenan pa Miss Universe. Contactonan importante a ser haci den diferente gremio y ademas Alina lo desfila diferente diseño nan exclusivo di e gran diseñadora, pa cual Kendall Jenner a modela pa prome bes durante NYFW, y a cuminsa su carera.
Den futuro sigur Aruba pa medio di su organisacion lo sigui traha cu Sherri Hill.
Despues di a conoce Alina, e diseñadora Sherri Hill a mustra hopi interes hasi su proximo catalog fotoshoot na Aruba . E designer a keda impresiona cu e beyesa di Alina, di su su carisma, cordialidad y e entusiasmo cu cual Alina a promove Aruba cun’e. Sigur un gran promocion pa nos isla .

Un otro promocion pa Aruba, tambe ta e profesional photoshoot cu Carlos Velez, cu tin trayectoria exitante y varios logro nan exitoso cu candidatanan den diferente certamen internacional . Tur e personalidadnan aki ta conta cu miyones di followers di fansnan rond mundo, y cu awor nos Miss Universe Aruba, Alina Mansur a logra pone nomber di Aruba den tur e plataforma di nan social media caba!
Aruba ta desea nos digno representante tur exito durante e certamen di Miss Universe. Nos ta sigur cu Aruba por ta orguyoso di su embahadora y cu e lo entre mas di 80 candidato rond mundo.

Eleccion lo tuma luga día 26 November proximo na e Celebrity Resort di Planet Hollywood Las Vegas.

Nos di masnoticia di desea Alina tur clase di exito aya na Las Vegas, den e concurso di Miss Universe y sigur el o desempeña un bon papel, poniendo Aruba su nomber na halto.

 

LEAVE A REPLY

Please enter your comment!
Please enter your name here