Durante e periodo di menstruacion, e curpa di e hende muhe ta elimina e celnan di recubrimento di e matris atrabes di e fluho di sanger menstrual.
Lo mas comun ta cu e periodonan menstrual ta dura entre tres y ocho dia. No obstante, e cantidad di dia por varia den cada muhe.
E promedio di perdida di sanger durante menstruacion ta di 100ml. Na ocasion por presenta sangramento abundante, pasobra e cifra por varia.
E sangramento menstrual abundante, ta wordo defini como un perdida excesivo di sanger den varios ciclo consecutivo. Esaki por wordo interferi cu actividad fisico, emocional of social di e muhe.
Sintomanan di sangramento menstrual excesivo
E periodo menstrual ta dura mas di 7 dia.
E fluho menstrual ta presenta klompi di sanger grando of sangramento constante abundante.
Dolor constante y skerpi den barica.
Ta rekeri pa cambia di maandverband of tampon durante anochi.
Fatiga.
Es mas, un sangramento abundante por causa problemanan grave di salud manera anemia, cual ta presenta debi na deficiencia di hero.
Aunke un bishita pa e ginecologo nunca ta dimas, por trata di sangramento menstrual abundante di forma natural, semper y cuando no ta existialgun trastorno medico grave.
Dieet balancea
Cu un dieet ekilibra cu ta rico den nutriente, bo por sigura cu bo periodo menstrual ta regular y ta preveni e sangramento abundante.
Ta recomenta pa eligi alimentonan saludabel y yena di nutriente manera:
Noot (rico den proteina)
Vegetal di blachinan berde (rico den hero)
Productonan lacteo (pa obtene calcium.
Tambe tin cu considera consumi azeta y simia, manera azeta di olijfi y simia di linasa, pa alivia e sangramento abundante.
Ingeri Vitamina B pa reduci dolor
Vitamina di e grupo B ta componentenan esencial pa metabolisa e exceso di estrogeen den e higra.
Estrogeen ta un hormoon cu ta controla e ciclo menstrual y si bo no mantene un adecuado ekilibrio, e por ocasiona cambio den e sangramento.
Carni blanco y berdura manera garbanso y esparago, ta contene hopi fibra y ta enrikeci cu vitamina B, cual ta preveni dolor.
Vitamina B tambe ta promove e sintesis di e prostaglandina, cu ta un compuesto esencial pa reduci e formacion di klompinan di sanger anormal.
Corda cu e formacion di klompi ta evita bashamento, pero na ocasion e ta bin compaña cu hopi dolor, cual no ta normal.
Incorpora na bo dieet alimentonan rico na hero y vitamina C pa evita anemia
Hero ta desempeña un papel fundamental den e formacion celnan cora. Di e manera aki, un deficiencia di hero por provoca anemia, cual por causa sangramento abundante. Ta resulta necesario mantene un dieet rico den e componentenan aki, en especial durante e dianan cu ta presenta sangramento menstrual.
Di e forma aki lo bo por cuida bo curpa ingiriendo nutrientenan adecua pa baha e sangramento abundante y fatiga cu ta presenta durante e dianan aki.
Ta recomenda consumi berdura y fruta pa obtene hero, calcium y vitamina C. No duda den inclui den bo dieet:
Brocoli
Kool
Batata
Rasenchi
Apricot seco
Juice y infusionnan casero
Juice di apelsina y lamunchi
Frutanan citrico ta gosa di un contenido eleva di vitamina C y antioxidante cu por yuda nos controla e sintomanan di e sangramento menstrual abundante.
Ingrediente
E juice di 6 apelsina grandi
2 cuchara di juice di lamunchi (20ml)
Preparacion
Primi e juice di e seis apelsinanan grandi den un colado pa evita e simianan.
Agrega e dos cucharanan di juice di lamunchi
Tum’e recien haci, tres pa cuater biaha pa dia.
Si e juice ta demasiado zuur, bo por hacie tiki slap cu mey cup (125ml) di awa.
Asina mes, hopi yerba ta conta cu propiedadnan astringente y a wordo uza pa hopi tempo pa controla e sangramento uterino excesivo.
E yerbanan cu ta yuda coregi e desekilibrionan hormonal y controla e fluho menstrual.
Simia di cilantro
Ademas di yuda nos pa controla e cantidad di fluho, e infusion cu simia di cilantro ta disminui sintomanan manera inflamacion y dolor.
Ingrediente
1 telep di simia di cilantro (5g)
2 cup di awa (500ml)
Preparacion
Agrega e simia di cilantro den un wea cu e dos cupnan di awa y lag’e herbe riba candela abao te ora cu e likido reduci na mita.
Warda pa e reposa y tum’e dos biaha pa dia.
Thee di ginger
Ingrediente
1 cup di awa (250ml)
1 cuchara di ginger pela y raspa (10g)
1 cuchara di honing (25g) (opcional)
Preparacion
Pone e awa y e ginger den un wea chikito y keint’e durante 10 minuut, te ora cu e herbe.
Lag’e reposa te ora cu e alcansa un temperatura apropia pa bebe.
Cola e ginger y basha e thee den un cup.
Si bo ta desea, bo por agrega un cuchara di honing pa haci’e dushi.
Tuma e thee dos biaha pa dia, un mainta y otro anochi.
Thee di cane
Ingrediente
1 cup di awa (250ml)
5 of 6 rama di cane
Preparacion
Pone e awa y e ramanan di cane den un wea chikito y keint’e pa aproximadamente 10 minuut.
Kita e infusion for di candela y lag’e fria te ora cu e haya un temperatura apropia pa bebe.
Saca e rama di cane y basha e thee den un kopi.
Beb’e dos biaha pa dia, mainta y anochi.
Fuente: https://mejorconsalud.com