CONGO, Africa – E gorila di mas grandi di mundo ta a punto di wordo extingui pa motibo di e aumento di jaagmento ilegal den e Republica Democrtico di Congo y awo ta den un inminente peliger, expertonan a alerta diadomingo.
Cu solamente 5000 ehemplar riba e planeta, e Gorila di West “Gorilla Beringei”, ta den riesgo di disparce completamente, participantenan den e Conferencia di e Union Internacional pa conservacion di naturalesa mundial IUCN a bisa. E conferencia aki ta wordo celebr na Honolulu (Hawaii, Merca).
Cuater di cada seis simio grandi di Tera ta den grave peliger, “solamente na un paso di extincion, segun e ultimo version di e Lista Cora di IUCN, e inventario mundial mas completo di especienan vegetal y animal.
“Mira e Eastern Gorilla – un di nos primonan di mas cercano – den riesgo di extincion ta realmente decepcionante,” Inger Andersen, directora general di IUCN, a bisa.
Di e banda positivo, IUCN a anuncia diadomingo cu decadanan di trabao di conservacion na China a duna su fruto y e panda gigante, a pasa di e status di especie “menasa” na “vulnerabel.”
Fuente: NTN24