COLOMBIA – Ta conoci den e pais ocho caso nobo di mucha morto pa desnutricion. Esaki lo a pasa entre 14 y 20 di Mei, den solamente un siman. Di acuerdo cu e Instituto Nacinal di Salud, Choco y la Guajira a registra un 40% di e fayecimentonan lamentabel aki.
Di su banda, Cordoba, Meta y Nariño a suma 75% di e mortonan prematuro aki. Na Colombia, e luganan cu mayor indice di morto di mucha pa desnutricion ta la Guajira y Choco. Entre e afectadonan ta muchanan indigena, afroColombiano y menornan di un aña.
E departamento cu menor tasa di desnutricion ta Antioquia, segun informe di e Instituto Nacional di Salud. Ademas, e tasa di mortalidad pa desnutricion nacional ta di 0.3 morto pa 1000 mil menor di cinco aña.
E corupcion tabata un di e detonantenan pa cu e casonan sigui presenta den La Guajira, por ehempel, den e ultimo dos añanan, a ricibi ocho biaha mas di e presupuesto di loke nan ta custuma di ricibi. Pero, e desvio di recurso a encarga pa esaki no a yega, den gran parti, e comunidad Guajira te na e punto cu, den solamente seis aña, e departamento tabata tin cinco gobernador, cuater di nan ta cera.
Asina mes, e panorama mundial, no ta alentador. Aña pasa, 108 miyon di persona a sufri di hamber severo, 28 miyon mas di e registradonan na 2015. Segun Union Europeo, e Agencia Internacional pa e Desaroyo di Merca y Nacionnan Uni cu a combina esfuerso y metodologianan nobo pa compronde loke ta sosode, ta splica cu e principal causanan di e hamber lo ta pa: e fenomeno di El Niño, conflictonan arma y aumento di prijs.
Fuente: www.elespectador.com