Alemania ta recorda e 28 aña di e caida di e muraya di Berlin

0

BERLIN, Alemania- Diahuebs e capital Aleman a conmemora cu 28 aña pasa e Muraya di Berlin a wordo benta abao. E conmemoracion aki a conta cu presencia di e alcalde- gobernador di e ciudad, Michelle Müller, na unda a recorda e 327 personanan cu a muri na e frontera Interaleman na momento cu nan a purba huy pa Occidente.
Di e 327 personanan aki, al menos 140 a muri na e muraya di Berlin, cu a comberti su mes den e simbolo por excelencia di e guera friu desde su construccion na 1961.
E actonan central di e jornada aki a tuma luga na e restonan di e muraya conserva den e Bernauerstrasse di Berlin y cerca di e Capiya di Reconciliacion, cu a conta cu e participacion di 160 muchanan di scol di Alemania, Francia y Noruega.
Aunke e aña aki no ta celebra un aniversario rond, si por bsia cu ta cumpli un aña simetrico ya cu e asina yama muraya di vengansa a keda para pa 28 aña te ora cu el a cay pa presion popular dia 9 di November, 1989.
E acontecimento ta wordo considera un momento clave den e proceso cu a hiba na reunificacion di Alemania, cual a bira realidad dia 3 di October, 1990.
Despues di e reunificacion tabata tin discusion ariba e fecha cu lo mester declara oficialmente como dia di e unidad Aleman.
Presidente di e epoca di Bundestag (parlamento), Rita Süsmuth, tabata partidario pa scoge dia 9 di November, pero di otro banda, unda cu e personalidad mas destaca tabata e canciyer Helmut Kohl, cu a impone y e fecha unda cu awendia ta celebra un dia nacional ta 3 di October.
Un di e motibonan pa descarta 9 di November, ta cu ta trata di un fecha scur, unda cu lus y sombra di historia Aleman ta uni.
Dia 9 di November ta dia cu e caida di e muraya, pero tambe ariba un 9 di November, na 1938 ta registra e riot violento contra di Hudiunan conoci tambe como Kristallnacht.
Na 1918 tambe ariba un 9 di November, e prome republica Aleman a wordo proclama, pero na 1923, riba e mesun fecha ta tuma e luga e intento di golpi di estado conduci pa Eric Luddendorf y Adolf Hitler, cu pa prome biaha a aparece ariba e portada di actualidad Aleman.
Dia 9 di November tur esaki ta wordo recorda hunto, dunando prioridad na esun cu tin un aniversario rondo, pero sin lubida e otronan.
Asina e minister di Interior, Thomas Maiziere, den un mensahe gepost riba su cuenta oficial di Twitter di su departamento.
“Dia 9 di November 1989 nos tur a brasa otro. E muraya a habri como consecuencia di e revolucion pacifico. Tabata un dia di felicidad, como un milager. Un dia asina mester keda warda den nos curason, aunke cu awe nos tin hopi problema pa resolve”, segun e minister di Interior.
“Dia 9 di November 1938 tabata un dia scur den nos historia, e synagoga tabata na candela y ciudadanonan Hudiu a wordo deteni y maltrata. Esaki mester ta un les pa nos cu tin cu defende e tolerancia y cu antisemitismo no tin luga den nos sociedad”, el a agrega.

Fuente: http://www.eldiario.es

 

LEAVE A REPLY

Please enter your comment!
Please enter your name here