Dia 4 di April Central di Polis ta manda un patruya pa un adres na Bubali pa un caso di kiebro. Na nan yegada na e adres, e agentenan ta combersa cu e doño di e cas, E.
E doño ta declara na polisnan cu pa mas o menos 02:10 e ta haya un melding ariba su telefon cu e alarma na dicho adres a bay on. Segun E., el a sali for di cas pa mas o menos 20:30, y el cera cas na yabi. El a warda polis yega y hunto cu e agentenan el a drenta e cas pa controla. Durante control el a bin ripara cu e bentana di cushina tabata habri, pero nan no a logra bay cu nada. Central a wordo poni na altura.