Parlamentario Alan Howell ta hopi contento di por anuncia cu Polis di Bario di Mabon lo habri bek despues di basta aña.
Manera ta conoci, un di e prioridadnan di mas grandi di e parlamentario di POR ta siguridad y ta pone hopi enfasis riba siguridad den barionan. Pa tal motibo e ta sumamente contento y entusiasma cu e trabounan cu ta tumando luga na Mabon pa habri un biaha mas Polis di Bario. E ta gradici Minister di Husticia Andin Bikker pa scucha e peticion di e hendenan di Mabon, Brazil, Rooi Koochi y Noord Cura Cabay cu pa hopi tempo tabata boga pa e reapertura di Polis di Bario, cual tin un rol primordial den salvaguardia e siguridad di e barionan. A priminti y ta cumpli tambe!
Parlamentario Alan Howell a pasa na e sitio y mira e trabounan cu ta tumando luga y a indica cu si tur cos bay segun planning, 1di juni 2018 lo tin apertura oficial di Polis di Bario di Mabon.