Alan Howell (POR): Contrario na declaracionnan sin base, CAFT no ta manda riba Parlamento

0
RBC Juli 2018
ling and sons porciento
Funmiles-2018

Alan Howell, Parlamentario di POR a comenta riba CAFT bisando cu e organo aki y gobierno a yega hopi cerca di otro pa loke ta trata presupuesto.
E por a tuma nota cu algun persona tabatin comentarionan como si fuera cu CAFT ta manda riba gobierno y peor ainda, cu nan ta manda riba Parlamento.
“Lagami pone bon cla, CAFT ta atende cu gobierno y CAFT su meta primordial ta pa duna conseho na gobierno, con nan lo desea di mira begroting y con nan lo desea di mira tambe e maneho di gobierno”, Howell a indica.
Refrescando memoria di algun persona el a bisa cu mester keda corda con nos a haya CAFT y esaki ta debi na e mal gobernacion cu tabatin, e malgastamento di placa y mas ainda, e motibo pa cual CAFT tey awe ta pa tene un bista con e maneho financiero di nos pais ta bay.
Gobierno nobo a hereda presencia di CAFT y Parlamentario Howell ta contento di por anuncia cu CAFT ta contento cu e maneho cu a ser hiba durante e 7 lunanan di e gobierno nobo. Un maneho cu ta compronde cu e gastonan y debe di nos pais ta halto, un maneho cu kier sigui hiba e pais dilsati y stimula economia na un manera madura mester tene cuenta semper con ta bay reduci e debenan.
Debi na esaki a bin cu e crisisheffing cu ta un mester debi na e mal maneho cu gobierno anterior a hiba y awendia henter pueblo mester bay sufri door di dje.
Un gobierno den apenas 7 luna hamas por tin algo di haber cu e situacion pa cual mester bin cu e crisisheffing. “E crisisheffing tin su nomber y fam y lastimamente pueblo mester carga e consecuencia.
Finalisando cu e parti aki, Alan Howell a bisa bon cla cu CAFT no ta manda den Parlamento, Parlamento di Aruba ta e organo di mas halto y ta esun cu ta dicidi y ta keda controla gobierno manera debe ser. Nos tin cu biba cu CAFT como organo cu ta monitorea gobierno, pero nan no ta manda riba Parlamento.

Comments

comments

C: Heineken
new india
dvg