FLORIDA, Merca- Al menos 17 persona a perde nan bida den un tiroteo na un scol secundario na Parkland, Florida, segun e comisario di polis Scott Israel.
E sospechoso, un ex studiante di 19 aña Nikolas Cruz, cual ta deteni. E comisario a bisa cu e sospechoso a wordo expulsa pa malcomportamento. Polis ta investigando su perfil digital. Loke nan a haya te cu aworaki ta “hopi, hopi perturbador”, Israel a bisa.
Autoridadnan a responde na un tiroteo na Marjory Stoneman Doughlas High School, algo prome cu 3 or di atardi. E tiroteo a crea panico entre studiantenan como tambe e personal di e scol.
Entre e victimanan ta inclui studiante y adultonan, Israel a bisa. Diesdos persona a wordo asesina den e edificio y dos mas a muri pafo. Un a muri riba caya y dos otor a muri nan hospital.
Durante dia tabata tin un simulacro di candela, cual a pone cu hopi hende a kere inicialmente cu esaki tabata un otro simulacro, segun un studiante a relata na CNN.
Fuente: https://edition.cnn.com