Willemstad Curacao: Plasa Bieu i marshe nobo ta kurason di Punda i kara di Kòrsou, tantu pa bishitante lokal komo bishitante di eksterior. Benta di kuminda i komestibel den área públiko ta eksihí su kondishonnan di higiena. Fundashon Marshe ke duna tantu bishitante lokal komo e turista un impreshon positivo di e marshenan. Tur hende mester por bishitá marshe ku plaser. Fundashon Marshe ke logra esaki pa medio di lo siguiente:
• Mantenshon regular, espesialmente tualètnan
• Limpiesa struktural profeshonal
• Pa tene e ambiente agradabel ta importante pa stipulá reglanan di kas.
• Koperashon ku studiantentan di Universidat Fakultat Tekniko
E wikènt aki Fundashon Marshe a kuminsá ku limpiesa grandi na plasa Bieu. Nan ta limpiando plasa bieu di ariba te abou. Djaluna tur bishitante por bini disfrutá atrobe di su dushi plato krioyo den un ambiente dushi i limpi.
Pa mas informashon por tuma kontakto ku Roxanne de Leeuw na 461 1176 of mail [email protected]