Ainda tin hopi violacion di e derecho di e trahado na Aruba

0
RBC Juli 2018
Funmiles-2018

Sr. Hubert Dirks a reuni cu Minister di Labor y Asuntonan Social ariba puntonan di atencion tanto ariba asuntonan laboral y asuntonan social.
FTA ta di opinion cu mester bin mas inspeccion. Por bin cu yen di ley, pero sin inspeccion y sin multa, e violacion ta continua. Esey ta conta pa tur sector, pero sigur den sector laboral ainda tin hopi violacion di ley. Ta spera cu inspeccion di tin trahado cu ta wordo abusa, y unda cu e ley no ta wordo cumpli, unda cu e trahado ta wordo explota, no solamente e trahado local sino e stranhero tambe.
Awor aki lo ta un oportunidad asina sr. Hubert Croes a expresa, caminda cu en berdad inspeccion lo mester haya prioridad, pa e ley lo por traha, anto esun cu lo bin na Aruba, lo tin el chance di haya miho producto turistico y mas calidad di bida pa loke ta trata di e trahado tambe. Ilegalidad mester wordo para, y despues di esey si inspeccion ta haya mas espacio e ora FTA lo por considera algun cambio, pero awor aki e ley ta suficientemente bon, aunke no tin espacio pa bin cu mehoracion, pero si tuma luga un inspeccion, manera mester ta y multanan duna manera mester ta. Tin hopi coreccion cu lo bay tuma luga, e.o. siguridad na pia di trabao.
Mas aleu Sr. Hubert Croes a papia di e caso di siguridad na pia di trabou, den e caso aki, tanto DTI, Departamento di Salud, si nan ta haci nan control manera mester ta, Brandweer ta haci nan control manera mester ta, sigur lo ta un campo cu lo reduci casonan di AO, accidente na trabou, malesa, etc. Tin caminda pa traha. Nos ARBO Wet, cu foi masha tempo ta tende di dje. Si tin un Ombudsman, e comunidad lo por denuncia un caso no solamente na instancianan concerni, sino cu e propio politico mes lo por traha riba un miho nivel pa loke ta trata respet pa e ley anto cu un moral mas halto. Lider di FTA, Sr. Hubert Dirks, a bisa cu ta tempo pa cumpli cu leynan cu ta poni ariba papel. Ban cumpli cu nan awo!

Comments

comments

C: Heineken
new india
dvg