Fin di siman a pasa y un otro siman a cuminsa sin cu ainda tin un bista ariba e formacion di e proximo gobierno.
Si por a tuma nota cu riba e pagina di Facebook di Formador, Sra. Evelyn Wever- Croes el a menciona cu ainda e negociacionnan pa forma un proximo gobierno ta andando. Durante fin di siman y tambe dialuna den transcurso d idia, e negociacionnan a continua.
Formador, Sra. Evelyn Wever- Croes, a pidi e pueblo un poco mas di pasenshi, ya cu ta trahando ariba un acuerdo di gobernacion, caminda cu tur e partidonan envolvi ta di acuerdo cun’e.
Ta spera cu e proximo gobierno lo keda cla, pa asina e proceso di screening por tuma luga, pa despues por bay over na e proceso di huramentacion.
Manera ya caba ta conoci, e proximo Parlamento lo wordo huramenta diabierna proximo, dia 27 di October, 2017.
Masnoticia lo keda pendiente pa cualkier desaroyo cu por tin den e dianan nos dilanti.