Ademas di e area di Palm Beach, AHATA tabata tin combersacionnan cu gobierno y sector priva pa loke ta e desaroyonan di parib di brug. Sr. Jim Hepple, di ATA ta elabora ariba e desaroyonan pa San Nicolas y bicinidario.
ATA ta spera cu pronto e proyectonan aki lo bira realidad y wordo desaroya. Esakinan ta consistente den calidad di bishitantenan cu lo kier trece. Y ta spera cu e proyectonan aki lo bira realidad den un futuro cercano. E propiedadnan tipo hotel/boutique lo ta di poco camber, alrededor di 100 camber. Pero tambe ta hibando combersacionnan pa desaroya e area di San Nicolas, cual lo ta miho pa e area di San Nicolas, proyectonan di 100 pa 120 camber.
Ya caba tin algun combersacionnan andando cu algun desaroyado y e plannan aki ta den tapara pa algun tempo caba. Mescos ta e plannan pa desaroya Isla di Oro, cual lo ta un proyecto di un calidad sumamente halto. Tin mas proyectonan pendiente pa San Nicolas.
Segun Sr. Hepple, si papia cu desaroyado di Isla di Oro, ta increibel e cantidad di estudio haci ariba tereno ambiental y di impuesto. Ta remarcabel, e cantidad di evaluacion haci pa midi e impacto riba e medio ambiente y bin cu recomendacionnan positivo, pa loke ta e proyecto di Isla di Oro.