AHATA ta haci diferente proyecto pa comunidad anto specificamente na aña pasa a bay na MariStella pa yuda cu un proyecto pa verf e cambernan anto a topa cu Sra. Marita, cu ta e manager di MariStella. Tabata tin un area basta grandi cu hopi potencial y cu soño di Sra. Marita tabata pa e espacio aki bira un plasa. Sra. Vanessa Rasmussen ta splica mas di e proyecto.
Plasa Ambiente ta e nomber cu Sra. Marita a duna na e luga cu ayudo di AHATA caminda cu nan a cuminsa nivela e tereno y instala yerba artificial. Pero ora nan a caba cu esey, a keda pensa riba kico mas nan por aporta riba espacio aki siendo cu e yerba t’ey pa e hende grandi por cana y no bay trompica. Pero tabata falta sombra, tabata falta stoel ya cu literalmente tabata tin solamente 4 stoel di palo di 20 aña pasa.
AHATA a bay pidi ayudo na Divi Resosrts, cu su manager Sr. Alex Nieuwmeyer, Marin Bijl y Jamaal Salomon. Nan a duna un man cu e proyecto na MariStella. Nan a instala palapanan, sombra y tambe e mueblenan di out door. Tur esaki a wordo instala riba e plasa pa asina hende grandi por enjoy di un brisa fresco den e bunita plasa aki y por sosega nan mente. Tambe asina ey MariStella tambe por organisa eventonan pa recauda fondo y cu e plasa aki ta posibel.
Ora cu Divi a caba na instala e palapanan y e mueblenan, a tuma contacto cu e compania Art & Design cu a traha un bunita sign na e entrada di Plasa Ambiente. Asina tambe por bisa cu e proyecto en conhunto cu AHATA tambe como un team work, segun Sra. Vanessa Rasmussen, di AHATA a señala.