DEN HAAG – E agente y ex parlamentario di Tweede Kamer, Hero Brinkman, awe, despues di tres dia den prizon, a wordo laga den libertad. Brinkman tabata cera riba sospechoso di a divulga secreto di estado.
Ainda e ta keda sospechoso den e caso.
Esaki ta segun su abogado Richard van der Weide. E no kier a sigui divulga di kico Brinkman ta wordo sospecha.
Radicalisacion
Posibel ta cu e tin di haber cu informacionnan confidencial di polis cu aña pasa a wordo divulga den De Telegraaf riba un mosque den Amsterdam-Noord. Den e storia ta para entre otro cu e miembronan di directiva di e mosque Arrayan na Amsterdam, ta den miras di opsporingsdienst pa motibo di radicalisacion y yidahismo.
Birnkman, di 52 aña a wordo gara dialuna. Nan a haci un huiszoeking na su cas. Brinkman tabata te cu 2012 miembro di PVV, despues el a sigui como miembro independiente. Durante e ultimo eleccionnan luna pasa, e no a haya ningun asiento cu su partido Ondernemerspartij.
Fuente: RTL Nieuws