ROMA, Italia- Un agente di Carabinieri di Italia a comete despues di a mata su dos yiu muhenan y herida su casa gravemente, segun diario La Repubblica.
E crimen a tuma luga diaranson den e localidad di Cisterna di Latino, den e region di Lazio. Durante oranan trempan di mainta, Luigi Capasso, di 44 aña, tabata wardando su casa Antonietta Gargiulo cu el a tira tres biaha ora cu e señora tabata bayendo trabao. Despues el a kita e yabinan di cas for di dje, unda cu el a bay cera su mes den e cas y a tuma su dos yiunan di 8 y 13 aña como rehen.
Efectivonan di polis local a drenta forsosamente den e cas despues di cu negociacionnan cu Caspasso a tuma luga pa casi un hora. E agente tabata cera den e cas pa mas o menos 9 hora. Ora cu e efectivonan policial a drenta den e cas nan a haya e tres curpanan ya sin bida y autoridadnan ta consdiera cu e muchanan a wordo asesina den oranan di mainta.
Autoridadnan ta desconoce e motibo di e crimen, pero e pareha ya no tabata bibando hunto y nan lo tabata den proceso di divorcio. Gargiulo di 39 aña a wordo yuda door di bisiñanan y transporta pa hospital. Su estado ta grave.
Fuente: https://actualidad.rt.com