Roermond, HULANDA – Un polis di bario cu na Mei 2015 a tira un homber den su pia na Susteren, a wordo declara liber door di e Corte di Husticia di Roermond. E fiscal a exigi castigo condicional y trabao na servicio di comunidad pa e agente pa a causa daño fisico permanente na e homber.
Pero Corte ta haya cu e agente no ta culpabel di a tira ariba e homber, di cual e agente tabata tin sospecho cu e lo tabata arma. Despues a bin resulta cu door di un psicosis e homber no ta reacciona ariba un orden y e tabata haci movecionnan straño cu su man. E agente tabata sospecha cu e homber lo tabata forma parti di un club di motociclistanan violento na Susteren.
E sospecho pa un situacion menasante caminda cu su persona y dos testigo lo por a bira victima, tabata na su luga. E agente, como cualkier otro civil tin derecho di defende su mes y otronan, segun e tribunal.
E homber, tira sin mester door di su malesa, awo lo mester uza un brace pa resto di su bida na su pia.