SANTIAGO DE CHILE, Chile – E Gobierno Mericano ta investiga un programa cu a otorga casi 1000 miyon di dollar na proyectonan di energia renobabel na Chile, incluyendo granhanan solar cu problemanan financiero asina grave cu e prestamonan por no paga den su totalidad, fuentenan familiarisa cu e tema a bisa.
E Oficina di Inspector General di e Agencia di Merca pa e Desaroyo Internacional (OIG-USAID) a audit mas of menos un 890 miyon di dollar di prestamonan aproba pa e Corporacion di Inversionnan Priva den Stranheria (OPIC), un email manda pa Reuters a bisa.
E investigacion, cu a cuminsa na 2016 ta centra den e decision di e corporacion di financia cinco granha solar Chileno y un proyecto hidroelectrico na 2013 y 2014. Criticonan ta sostene cu OPIC ta pone demasiado enfasis den energianan renobabel. E presidente di Merca, Donald Trump, a propone recorta fondo pa cualkier proyecto nobo di OPIC den su mas reciente pasamento den presupuesto di 2018.
Por lo menos tres di cinco proyecto solar Chileno a cuminsa na restructura su debe, segun dos persona familiarisa cu su finansas. Nan ta calcula cu e perdidanan di OPIC probablemente lo supera 160 miyon di dollar.
E corporacion a bisa den un comunicado cu e ta sigur cu e lo recupera e recursonan den e proximo decadanan, pero a reconoce cu su cronograma original di pago a cambia. E agencia a agrega cu e lo evalua e recomendacionnan di OIG.
E revision na Chile, cu lo duna luga na un informe y lo finalisa fin di aña, lo studia “e factornan cu OPIC a uza pa evalua y aproba su proyectonan energetico na Chile,” entre otro cosnan, OIG a bisa.
“Desafortunadamente, nan ta bet pa e tipo kiboca di proyecto,” Carlos St. James, asesor di energia renobabel di Wood Group, riba proyectonan di OPIC na Chile, a bisa.
Na 2013 y 2014, segun informenan publico di OPIC, e agencia a presta cerca di 2500 miyon di dollar na 32 proyecto den henter Lation America, di cualnan mas di un tercio a wordo destina na proyectonan energetico Chileno.
Esey a inclui prestamonan na cinco granha solar. Tres di nan – conoci como Salvador, Luz del Norte y San Andres – ta enfrenta awo grave problemanan financiero, segun entrevista y documentonan interno cu Reuters por a mira.
Varios banco comercial cu a samina e financiamento di e proyectonan, segun dos fuente, a considera, den gran parti, cu e asina yama esquema di prijs, tabata demasiado riesgoso.
OPIC a spera prijsnan local di energia di mas di 100 dollar pa megawatt pa ora, nan a bisa, un tasa cu lo ta mas di e dobel di e promedio di prijsnan na Merca. E proyeccionnan a demostra di ta hopi optimista. Mediado di 2015, e caida di e demanda di e minanan cerca y e construccion lento di liñanan di transmision, entre otro factornan, a cuminsa na deprimi severamente e prijsnan.
OPIC a bisa cu el a spera cu prijsnan subi den e proximo añanan y cu e prestamonan wordo structura pa sigura e solvencia den e largo plazo, pero mayoria di e analistanan a pronostica prijsnan hopi abao di e supuestonan aki.
Den un declaracion di November, Etrion, un compania Suiso cu ta posee e planta Salvador, a bisa cu nan a spera prijsnan a largo plazo di 38 dollar pa megawatt y a acota e balor di e “activonan fiho comprometi como garantia,” OPIC a baha casi na mita, na 87.9 miyon di dollar na 2016 desde 2015.
El a agraga cu nan a yega na un acuerdo di reestructuracion cu OPIC, posponiendo e reembolsonan pa un aña y lagando habri e posibilidad di retrasonan nobo.
E proyecto di Luz del Norte, propiedad di First Solar y San Andres, awo propiedad di e firma di capital priva Ameris Capital, tambe ta wordo restructura, segun dos fuente cu conocemento di e proceso.
Jacier Contreras, presidente ehecutivo di Ameris Capital, a nenga di comenta riba e audit, pero a bisa cu si ambos parti lo sigui comprometi, e prestamonan probablemente lo reembolsa den su totalidad. First Solar no tabata kier a haci comentario.
Dos fuente cu conocemento directo di e financiamento di e proyectonan a bisa cu OPIC probablemente lo bay tin mester di pordona di 40 pa 60 porciento di e prestamonan otorga na e tres proyectonan solar. Esey lo haci cu OPIC lo perde entre 160 y 240 miyon di dollar.
E otro proyectonan audita na Chile ta Maria Elena, construi pa SunEdison y Amanecer Solar propiedad di TerraForm Power. OIG tambe a audit e hidroelectrica Alto Maipo, di AES Gener. Den un comunicado, AES a bisa cu “e auditornan tabata tin oportunidad di mira e obranan, acceso na material documental y elementonan cu (…) ta mustra un balance positivo.”
TerraForm Power no tabata kier a haci comentario y SunEdison, awo den bancarota, no a responde na e solicitudnan pa referi na e asunto.
Fuente: www.reuters.com