KABUL, Afganistan – Afganistan a biba e aña aki e luna di Ramadan – E yuna sagrado Musulman – e mas mortifero desde e invasion di e Mericanonan di 2001, segun un conteo di AFP na bispo di Eid al Fitr, cu por lo menos 200 morto, civil den su mayoria y 700 herido.
E luna sagrado pa e musulmannan, cu a cuminsa dia 27 di Mei, tabata particularmente marca pa un atentado cu un truck bom den pleno centro di Kabul, dia 31 di Mei. E pio atake contra e bario diplomatico di e capital Afgano, den 16 aña, cu un saldo di por lo menos 150 morto – tur Afgano y 400 herido.
E atentado, cu no a wordo reivindica, a provoca cu nan ta subi caya pa protesta contra e insiguridad centenares di manifestante, cuater di cual a muri door di tironan di polis.
Tres kamikaze a rementa nan mes e dia siguiente, dia 2 di Juni, durante entiero di un di e victimanan, matando otro shete persona.
E masacre di dia 31 di Mei y e hechonan siguiente a afecta Kabul hopi, di cual habitantenan a mustra temeroso dilanti e posibilidad di atentadonan nobo.
Hostilidadnan a cuminsa for di e prome dia di yuna, cu e explosion na Jost di un auto bom di e Talibannan, cual obhetivo tabata un molicia local, financia pa CIA Mericano: e saldo tabata di 13 morto y seis herido.
E animacion cu ta precede na e celebracion aki di fin di Ramadan, tabata discreto e aña aki, en particular na Kabul, unda cu ta teme pa atakenan nobo di parti di extremistanan cu ta kere, na e ocasion aki en particular, logra obtene un biyete linea recta pa paraiso.
Fuente: http://www.infobae.com