Aerosmith lo presenta den e Download Festival na Inglatera

0

LONDON, Reino Uni-  E banda Merican AeroSmith sa cu e show mester sigui. Pa e motibo ey tambe el a laga un banda tur e preocupacionnan tocante siguridad relaciona cu e atake terorista na Manchester pa asina encabesa e Download Festival na Inglatera, diadomingo awo.

E mitico banda di Boston a reconoce cu nan a considera pa no presenta den e festival na Leicestershire despues di e atake suicida cu a laga 22 persona morto den e concierto di e cantante Ariana Grande. Sin embargo, el a dicidi di sigui cu su presentacionnan.

“Nos prome reaccion tabata di pensa cu nos no mester toca ni tampoco pone e bida di nos fanaticonan na peliger. Perso nos no ta kere cu nan lo desea esey tampoco”, segun e guitarista Joe Perry a declara na Reuters.

“Nan no kier biba asina. Ami no kier biba asina. Nos no kier biba asina. Asina ta cu ta trata di tuma tur precaucion posibel”, el a agrega.

Forma na 1970 y famoso pa nan canticanan manera “Walk This Way” y “Back in the Saddle”, e banda ta mei mei di un gira Europeo, apesar di un serie di atake den e contintente aki.

“Hopi hende a preocupa pasobra cu nos ta akinan, mas tanto nos amigo y nos famia, pero nos a bisa nan, ‘skucha, nos ta bay haci loke nos mester haci’”, Perry a añadi.

Fuente: www.lta.reuters.com