Princess Juliana International Airport di St Maarten, un di esunnan mas grandi di Caribe a habri bek pa uzo comercial.
Esaki a bay basta lihe pa un airport cu a sufri dañonan grandi y tabata simbolo di e destruccion cu horcan Irma a laga atras den Caribe.
“A pesar di e dañonan grandi cu e aeropuerto a sufri cu e pasada di e horcannan grandi aki Irma y Maria, nos ta na e punto unda cu nos por tin servicio comercial un biaha mas”, según Michel Hyman, CEO den funcion di aeropuerto a bisa den un comunicado.
Delta, American Airlines, Pawa Dominicana, Seaborne, InselAir and Winair tur lo cuminsa bula bek pa St. Maarten, segun Rolando Brison, director di Turismo di St. Maarten, cu a hiba palabra via Skype durante un reunion cu medionan di comunicacion na e conferencia di CTO na Grenada.
“Sin embargo, algun di nan lo tin schedulenan reduci y tambe di frecuencia”, el expresa, cu cautela .
“Pasahero yegando y saliendo lo wordo atendi den un sala temporario”, Hyman a bisa.
Delta tabata un di e prome aerolineanan cu a reanuda su operacionnan comercial diamars.
Winair lo reanuda su vuelonan cu servicio limita pa e islanan Saba, Statia, St. Barth, Antigua y St. Kitts, y tambe Corsou.
Un otro aerolinea KLM, lo reaunda su vuelonan pa St. Maarten dia 29 di October.
“Personal di aeropuerto di St. Maarten a traha hopi duro pa logra esaki y mi ta hopi orguyoso cu nos a logra habri bek”, Brison a bisa
E recuperacion di St Maarten a cuminsa di berdad y lihe, mientras cu e isla a sufri varios nivel di dañonan na su stock hotelero, di acuerdo cu Brison. E parti Hulandes ainda tin 30% di su inventario intacto.
“Nos ta calcula cu nos lo por yega na un 50% di nos capacidad di nos inventario di e total di cambernan y nos facilidadnan pa December”, Brison a bisa.
Otro infrastructuranan turistico tambe a cuminsa recupera, segun Brison a bisa., cu e beachnan manera Mullet Bay ya caba tin stoelnan di beach poni como tambe e bendedonan a cuminsa bin bek. El a bisa cu meta ta pa buscando pa ocupa e cambernan y e gestion di vuelonan segun cu e isla ta cla pa ricibi esakinan.
Fuente: https://www.caribjournal.com