Servicio Meteorologico ta emiti un comunicado riba un advertencia pa biento duro, cual lo ta efectivo for di 6’or di mainta diamars 4 di April, te cu 12’or di merdia, diahuebs, dia 6 di April.
Areanan afecta
Full Aruba
Sinopsis.
Un area di presion halto riba ocean Atlantico y un area di presion abou riba Colombia lo mantene diferencia grandi di presion den nos area y asina un aumento di biento te fuerte y hopi duro den rafaga.
Biento lo supla cu mas of menos 20 te 25 nudo y ta anticipa cu lo tin rafaga te 34 pa 36 nudo.
Accion de precaucion.
Usuarionan di lama ta wordo urgi pa tene cautela riba lama.
Mara obhetonan cu ta los pasobra na por bula rond door di e biento asina fuerte.
Turistanan no mester bay leu den lama, specialmente entre banda costanan parti noord y oost.