Un biaha mas kehonan ta drenta Bureau City Inspector pa e adictonan cu ta biba den e santana na Playa segun Marlon Pietersz. E situacion na Santana na Playa ta un tiki mas pio awo. Adictonan ambulante ta keda invadi santana y nan ta haci esaki nan cas y haci y deshaci cu e consecuencia cu e ploegnan cu tin cu bin haci nan trabao ta hayanan stroba cu e sushedad humano, paña, etc., pero vooral cu e frescura di e hendenan cu ta bin haci nan trabao.
Den e caso aki, ora nan ta bin haci nan trabao y ta pidi nan pa sali, nan ta bira fresco y ora nan mester bay defende nan mes, esta e ploegnan, polis tin hopi chens cu lo por bay cu un di nan.
Prome cu esey pasa, segun Pietersz, papia cu nan pa bisa nan sali y si nan no kier, yama polis.
Si nan tin cu defende nan mes, nan tin cu haci’e tambe y yama polis.
Pietersz a enfatisa cu e parti aki, ta cay bao di DOW. Ta pidi DOW netjes, cu tin di compronde cu tin un budget berdad, pero si wak bon, e trabao aki y di locual tin di compronde di e grupo cu tabata traha, cu ta haci e dos santananan caba limpi, pa sali for di eynan, tira un buelta, di dump bin bek, ta dura por lo menos 1 ora. Material ta schaars berdad, pero atrobe e facil ta, pa pone un container dilanti di e luga, locual ta mas esencial, mas facil pa nan.
E ta hiba menos tempo, e ta gasta menos gasolin. Si tene cuenta e trip cu nan tin cu tira cada bes pa yena e baki chikito pa bay tira un trip bin bek, ta dura casi un ora sigur pa por tira esey. Mas facil lo ta, pensamento di Pietersz, pone un baki, haci e luga limpi y ta cla. Nan tin mas of menos 1 sioman mas of menos riba e luga y atrobe, cu tur dia cu yega eynan, tin cu tene cuenta cu e adictonan ambulante. E molester di tur dia cu ta bay haya den dje, leu leu tin cu wak tras di lomba, ki ora nan bin, etc. Nan no por traha asina ey. City Inspector ta yuda te asina leu, yama Serlimar of Ecotech pa pone un container pa duna un man, pa coopera y mayoria biaha nan ta purba di coopera y nan ta coopera, Pietersz a remarca.