Adicto ambulante ta zak den otro dilanti polisnan

0

Na warda di polis ta yega un dama, desconoci pa polis y ta bisa polis cu lo tin un adicto ambulante haciendo su necesidadnan ariba e plenchi pafo. Polisnan a bay p’afo pa controla kico tabata pasando. Ora cu e polisnan a yega p’afo nan a topa cu un homber desconoci pa nan. E homber no tabata papia cla y tabata incomprendibel. Unico cu polisnan por a compronde di dje, ta cu su nomber ta Herby y cu e ta di San Nicolas. Mas informacion di e persona aki, polisnan no tabata tin mas di dje. Mientras cu polisnan tabata papiando cun’e, el a zak den otro y cay dal su cabes. Door di esaki el a haya un kap na su cabes, riba su wenkbrauw y herida bou di su cachete. E homber tabata for di tino, pero si tabata tin pulso.
Mirando su situacion a dicidi di yama ambulans pe cu urgencia, cu a transport’e pa SEH pa tratamento medico. Central di Polis a wordo poni na altura di e sucedido.