Centrale Post ta dirigi un patruya pa Bellisimastraat caminda cu lo tin un adicto ambulante ariba tereno die cas. Na nan yegada agentenan policial ta papia cu e mucha muhe C., kende a declara cu e adicto ambulante ta horta mango for di e veranda di cas.
E damita C a saca un potret di e adicto ambulante y a mustra polisnan esaki. Tambe el a yama su tata cu na su turno a yama polis, mirando cu e mucha muhe tabata su so na cas. E adicto ambulante na yegada di e patruyanan no tabata na e sitio mas.
Patruya a controla den vecindario y banda di cas mes a topa cu e adicto ambulante Perreira Croes, E. Perreira no tabata tin mango mas den su poder y polisnan a hala su atencion pa e no subi tereno di otro hende mas.