Adicto ambulante ta causa molester

0

Central di Polis ta manda un patruya pa KFC Palm Beach pa un adicto ambulante cu ta haciendo fastioso. Personal di KFC a purba di saca e conocido ambulante aki, Geerman, for di e restaurant, pero el a resisit. Na yegada di e patruya nan ta bin haya e adicto ambulante aki sinta paden. A ripara mesora cu e adicto ambulante aki tabata bou di influencia di un of otro sustancia. E tabata tin algun procuto cun’e, cual el a pone ariba mesa. Mirando cu anteriormente tabata tin un melding di cu Geerman tabata den vecindario di Salinja Cerca ta molestia e bisiñanan. A bay over na detene pa asina e por bin bij, y na warda a controla tur loke e tabata tin den e saconan.

Polisnan a bin haya productonan di e tienda Armando Kite Shack. Tambe Geerman tabata tin para di sapato cun’e, paña, usb sticknan nobo y hopi mas paña. A tuma contacto cu e doño di Armando Kite Surf pa e bin tira un bista ariba e productonan cu e adicto ambulante tabata tin cun’e. El a bisa polisnan cu enberdad e ta haya falta di un tas cu producto y tambe cu desconocinan a bay cu un “surfboard” color geel y un “hobbie cat”. A presenta Christopher Geerman dilanti Hues Comisario y el a keda deteni.