Polis a ricibi un melding telefonicamente cu un adicto ambulante femenino, bisti cu un short oranje ta canando rond cu un cuchiu grandi den e area di Gallo Rojo na San Nicolas. Door di esaki, polis a dicidi di bay controla pafo na dicho persona y a mira e conocido MH na altura di KFC cu algo den su man.
Polis a mir’e ta cruza caya y a sigui’e direccion zuid. Polis a acera H. na altura di Ad Patres. Pero ora el a mira polis el a core limpi bay direccion p’ariba den Renselaerstraat direccion Village. Polis a mira cu en berdad e tabata tin un cuchiu cu un cabo largo den su mannan. A cuminsa cu un persecusion. E adicto ambulante a wordo perdi for di bista banda di Wintergarden Bar & Restaurant. A busca den vecindario di Aruba Store situa den Bernhardstraat y a bin hay’e eynan. Ora cu el a mira polis, el a core bay den Torenstraat, caminda cu el a sconde tras di e transformatorhuis di Elmar. A logra detene. MH. A wordo hiba warda di polis, caminda cu el a keda presenta dilanti di fiscal auxiliar y despues laga den libertad riba su responsabilidad.