Acuerdo di cooperacion firme entre Sindicatonan di Polis di islanan BES, Corsou y Aruba

0

Recientemente a tuma luga na nos hermana isla Corsou un actividad di sindicatonan di Polis cu a wordo organisa door di SPA. Sindicatonan di Polis presente tabata NABP BESS, A.B.V.O. y NABP Corsou. E meta principal di e encuentro aki tabata pa estrecha lasonan entre e sindicatonan y cera un acuerdo di cooperacion entre dicho sindicatonan.

Parlamentario y alabes Presidente di Parlamento, Sr Guillfred Besaril a atende e actividad aki y a wordo compaña pa Parlamentario Sr. Ricardo Croes.

Sr. Besaril a fungi como Presidente di SPA prome cu e la dicidi di cambia su carera y bira politico pa sirbi su pais den un otro manera. Durante e ocasion importante aki, el a hiba palabra na unda el a relata su experencia como Presidente di SPA y a indica su deseo pa mira e sindicatonan di Polis entre e islanan traha hunto pa bienestar di e pueblonan.

Pa e ocasion aki, Parlamentario Besaril a bisa lo siguiente: “Pa mi tabata un inmenso honor y placer di a wordo invita y participa na un encuentro asina importante entre e sindicatonan di Polis di e islanan. Como ex – Presidente di sindicato di Polis SPA, mi ta sumamente contento cu e acuerdo di cooperacion cu a wordo firma entre e sindicatonan y cu nos por mira riba un miho cooperacion entre e islanan pa asina fortalece nos cuerpo policial”.

LEAVE A REPLY

Please enter your comment!
Please enter your name here