Actividad fisico, hunto cu nutricion y suplementacion, ta hunga un papel fundamental den e calidad di bida di tur ser humano, pues ademas di contribui significativamente na mantene e ekilibrio natural di e funcionnan di e organismo, ta un practica di vital importancia den e prevencion di diverso enfermedad, tal como diabetes y e hipertension dos condicion di e metabolismo cu por bay wordo asocia na sedentarismo
Encuanto na e prevencion di tal enfermedadnan, e cadena di fitness Gold’s Gym, ta sigui cu su labor di promocion di e bienestar integral y un estilo di bida sano, enfocando na e entrenamento fisico y e bon nutricion como factornan primordial pa logra e bienestar, e incremento di e resistencia fisico y un mayor definicion muscular.
Di acuerdo cu e Organisacion Mundial di Salud, e actividad fisico escaso of su ausencia den e rutina diario ta un factor di riesgo considerabel pa e enfermedadnan no transmisibel (ENT), como cancer, diabetes y hipertension. Hopi ta e paisnan den cual actividad fisico ta bay den descenso.
Riba escala internacional 23% di e adultonan y e 81% di e adolescentenan den edad escolar no ta mantene suficientemente activo. Pa final di 2016, e inactividad fisico ta converti den e di cuater factor di riesgo di mortalidad na mundo y e 6% di e mortonan ta pa e motibo aki. Cerca di 3 miyon di persona ta muri pa aña pa e falta di actividad fisico.
Segun e Observatorio Venezolano di Salud (OVS) e enfermedadnan cronico no transmisibel, tal como diabetes y e hipertension, a converti den un problema di salud publico na mundo y den nos pais tambe. E origen principal di e incremento di frecuencia di tal patologia aki no solamente ta asocia na e nutricion, sino na sedentarismo of miho bisa, na un actividad fisica insuficiente.
Ante e realidad aki cu ta presenta na escala mundial, ta evidente e necesidad di promove un cultura cu ta promove e incorporacion di actividad fisico como parti fundamental di e rutina diario. Den tal sentido, Gold’s Gym, empresa reconoci como lider den e materia di fitness, tanto nacional como internacionalmente, a pone den marcha diverso iniciativa destina na promove e ehercisio regular como complemento esencial di e bida cotidiano y como un excelente estrategia di prevencion di e enfermedadnan aki.
E beneficionan di ehercicio fisico ta di gran impotancia: e ta mehora e circulacion y e respiracion di e celnan, ta aumenta e receptividad di e musculonan na e incorporacion di sucu, e ta agilisa e metabolismo di insulina etc. Tambe e ta kima vet, cu cual ta posibel reduci e nivelnan di colesterol, ademas cu e ta contribui na e perdida di peso. Adicionalmente, ta recupera energia y ta combati stress.
Personanan cu ta diabetico y hipertenso cu ta realisa ehercisio diariamente, ta refleha un estado fisico hopi mas saludabel cu esnan cu no ta incorpora e practica aki na su bida cotidiano. Ta demostra cu un persona cu ta practica algun actividad fisico cu frecuencia, aunke ta un caminata, e por normalisa su nivelnan di sucu y su tension arterial den poco siman. Ademas e bentahanan di ehercicio ta manifesta, tanto den e aspecto organico como esun psicologico.
Fuente; www.eluniversal.com