LONDON, Inglatera – E actividad empresarial di e zona Euro a perde algo di impulso na Juni pero a alcansa den e ultimo trimester su miho desempeño den mas di seis aña, segun algun encuesta cu a mustra cu e empresanan a cuminsa debil den e di dos mita di 2017.
E lectura final di e indice componi pa e gerentenan di compra (PMI) di IHS Markit tabata di 56,3 na Juni abao di e nivel di 56,8 na Mei, pero superando comodamente e estimacion di 55,7.
PMI tabata riba di e marca di 50 cu ta dividi e crecemento di e contraccion for di mey mey di 2013.
“E indice PMI final a keda situa riba di su estimacion inicial precedente y consecuentemente a señala solamente un perdida minimo di impulso di crecemento na final di e di dos trimester,” Chris Williamson, economista hefe na IHS Markit a bisa.
Williamson a bisa cu e ultimo lecturanan a indica cu e economia di zona Euro a crece un 0.7 porciento den e di dos trimester, mas rapido cu e tasa di 0.5 porciento premira den un sondeo di Reuters luna pasa.
Den algun dato cu ta sugeri cu e impulso ainda por recupera e luna aki, pedidonan pendiente di realisacion a incrementa mientras cu negoshinan nobo a crece na Juni den e di dos tasa mas rapido den mas di seis aña. E subindice aki a subi te na 56.0 desde 55.9 na Mei.
“E caisa di e indice PMI na Juni no parce ta ciertamente e comienso di un ralentisacion. E incremento di pedidonan nobo a acelera hopi liheramente te alcansa e di dos nivel mas halto den poco mas di seis aña y e empresanan ta luchando pa satisface e aumento aki di e demanda,” Williamson a agrega.
Fuente: http://lta.reuters.com