MILAN, Italia – Bolsanan Europeo ta recupera diabierna di dos dia di perdida, den momentonan caminda cu e accionnan automotriz a subi pa un aumento den benta di auto na Mei y despues cu un actualisacion di e resultadonan di Tesco a ofrece alivio na un temporada no mucho bon pa e sector minorista.
E indice PanEuropeo STOXX 600 lo a sumia un 0.5 porciento den e prome operacionnan y e Britanico FTSA lo a avansa un 0.3 porciento.
Papelnan di Tesco a repunta mas di un 2 porciento despues cu e mayor minorista Britanico a reporta un actualisacion di e prome trimester cu a mustra un crecimento di e benta riba un base comparabel di un 2.3 porciento na Reino Uni, loke a super e expectativanan di e analistanan.
E avansennan a yuda e minoristanan Europeo na recupera parti di e fuerte perdidanan di e sesion anterior, ora cu e datonan di Reino Uni a mustra cu e consumidornan ta sintiendo e impacto di un inflacion acelera.
E indice di e sector automotriz a subi un 0.8 porciento despues cu a keda reporta cu e benta di autonan na Europa a bolbe crece, cu un avance di un 7.7 porciento na Mei. Aunke e subida di diabierna a extende den henter e mercado, cu tur e sectornan riba tereno positvo, e indicenan Europeo y Britanico tabata na caminda di cera e bahada pa di dos siman consecutivo, debi na e preocupacionnan reciente pa e crecemento, e estimacionnan y e incertidumbre politico na Reino Uni.
Fuente: http://lta.reuters.com