Willemstad Curacao: Resientemente Minister di Hustisia a instituí un ‘Taskforce’ pa kombatí e problema di posishon ilegal di arma di kandela na Kòrsou. E ‘Task Force vuurwapen’ ta konsistí di miembronan di KPC(Korps Politie Curaçao) – RST(Recherche Samenwerkings Team) – Kmar(Koninklijke Marechaussee) – Douane – Kustwacht(warda Kosta)- Interpol – Defensie i VDC(Veiligheids Dienst Curaçao).
Den e kuadro aki, awe den oranan di mainta un tim konhunto di investigashon a detené un sospechoso i a konfiská dos(2) arma di kandela i un kantidat chikitu di mariwana.
Awe, 20 òktober 2017 alrededor di 06.00 or mainta e tim ariba menshoná -despues di un investigashon- a tene un entrada Hudisial den un kas na Rhederlust en konekshon ku posishon ilegal di arma di kandela. Na e kas na Rhederlust a haña i konfiská:
2 pistol
Un kantidat chikitu di mariwana
Na e sitio a detené e hòmber sospechoso R.J.C nasé na Colombia, 35 aña di edat, pa violashon di Lei di Arma.
A presentá e sospechoso dilanti di un Fiskal Ouksiliar ku a ordená su enkarselashon pa mas investigashon.
E akshonnan aki ta kontinuá.