ROTTERDAM, Hulanda – Marechaussee tabata masalmente pesente na e aeropuerto di Rotterdam. Tabata tin papia di un “investigacion grandi.” Polis a meld cu tabata tin un tip anonimo cu a cu a drenta cu “a mustra riba un posibel menasa na Rotterdam The Hague Airport.”
A base di e tip, Koninklijke Marechaussee y polis a cuminsa cu un investigacion riba e melding aki. E accion a wordo poni den marcha pasobra e “alarma keto di terorismo a wordo activa.” Gemeente Rotterdam despues lo bin cu un declaracion. Tin un dialogo entre e alcalde di Rotterdam, Hoodofficier van Justitie y comisario di polis riba e medidanan cu lo wordo tuma. E Nationaal Coordinator Terrorismebestrijding en Veiligheid (NCTV) a bisa cu nan ta na altura y ta tene contacto estrecho cu e partidonan envolvi.
Controlnan ta wordo haci riba e vianan di salida como tambe riba e aeropuerto mes. E trafico aereo a sigui normal. Esaki tabata tin apenas efecto riba e trabao diario riba e aeropuerto. Durante un conferencia di prensa e vocero di marechaussee a bisa cu no ta purba di alarma den ningun forma e pasaheronan.
E trafico aereo a sigui diahuebs sin ningun retraso pa motibo di e medidanan.
Fuente: De Telegraaf