Diasabra mainta riba e caminda di Shaba net na altura di Do it Center un auto lo a dal un peaton. Mesora patruya di Noord a bay na e sitio. Ambulans tambe a presenta di biaha pa atende cu e peaton cu lo a haya basta sla na su curpa, cabes y tambe a fractura su pia malamente. Polis di trafico a bay na e sitio pa asina tuma dato di loke a pasa. E peaton un hende homber lo kier a bay crusa pa bay pabou di caminda pero ta yega crusa dilanti un Nissan Cube blauw bayendo direccion zuid. E impacto tawata hopi fuerte. Ambulans a transporta e homber pa Eerste Hulp pa atencion medico avansa.